ماهو عادي

من طرف AL.SADI الإثنين فبراير 18, 2008 2:30 pm

حبيت احط لكم اليوم قصيده ماهو عادي الي ابدع فيها فنان العرب بونوره
وهي طبعا من كلمات المبدع الشاعر الامير|عبدالرحمن بن مساعد
اخليكم مع الابيات

ماهو عادي

كان هالليلة بهاكي ماهو عادي
كنتي أنتي وانتي لما تكوني أنتي ماهو عادي
كنتي اعجاز وسحر .. كنتي دنيا من طهر
كان نورك في جبين الكون بادي
كان في صمتك طرب .. وكان في عيونك شغب
كان حسنك للحسن يرسي مبادي
كنتي في أجمل حضورك .. كني في أعدل غرورك
لما طافت بي عيونك .. وأستقرت في فؤادي
كنت أنا أتأملك .. وكنت أنا اتخيلك
وأنتي معي والكون هادي
كان أحساسي مهيب
كنت أحس أني مهاجر أو غريب
وأنتي يا عمري بلادي

* * * * * *

آه لو باكر لأمسي يلتجي .. يترك الليلة ليالي وما يجي
آه أنا من غدر باكر كم أخاف .. ياخذك مني وأنا لقلبي شغاف
حزنها في غيبتك مر و شجي
آه أنا من غيرك أنتي وش وجودي .. آه أنا كم أبغى باكر لو تعودي
آه من ذكرى بتشعل بي سهادي
لما كنت أتأملك .. ولما كنت أتخيلك
وأنتي معي والكون هادي
كان أحساسي مهيب
كنت أحس أني مهاجر أو غريب
وأنتي يا عمري بلادي

* * * * * *

يا ملاذي ومنتهاي و أولي .. ايه أحبك فوق ما تتخيلي
ليت أنا يا بعد قلبي لي قلوب .. لأجل ما في كل لحظة بك أذوب
كل إجاباتك أنا لا تسألي
ما أبي شمسك يواريها مغيب .. لو جروحي منك ما ودي تطيب
ياللي سعدك منتهى غاية مرادي
آه كم أشتاقلك .. آه كم أحتاجلك
آه كم أشتاقلك وأحتاجلك .. في القرب وأكثر في بعادي
أنتي أحساسي الاكيد
وأنتي دمي اللي بيجري في الوريد
أنتي يا عمري بلادي

كلمات / عبدالرحمن بن مساعد
تحياتي لكمـــــ السعدي ـــــــــــ